مايحتاج اعرفك انت تعرف زين

ما يحتاج أعرفك أنت تعرف زين
تعرف كلشي بية وأعرف شبيك

وما يحتاجأاكلك أني أحبك ليش
تدريني وي روحي أني أغار عليك

صرت أنت السفينة وأني سفان
وغيري على الجرف ياهو اليرسيك

غيرك ما أريد ولا أحب الغير
وغيري على الحزن ياهو اليواسيك

أحبك خاف أكلك وتكلي جـــــذاب
وأقصرخاف أكلك ما أوفيـــــــــــك

سولفلي على حالي وأسال أرجوك
وسولفلي عليك شبيك ما بيــــــــك

هم كلبك يحن من نفترك لحظات
وغم ذال الكلب لو ما يحن عليك

شعلت روحي شمع وبظلمة تالي الليل
وأطفي شموعي كلهة وبس أضويك

خليتك دمع وبساعة الضيـــــــــــــج
أبجي دموعي كله وما أبجيــــــــك

أعطش من أشوفك وأبتسم حيل
وتظل عطشان مني وأني أرويك

ما أرضة بزعل وماأزعل وياك
وأزعل الدنية كلهة وبس أراضيك

الشارع مو أمان والناس كلهة حلوك
وأدز روحي وي كلبي وعيني تحميك

من طبعي شرس وتخاف مني الناس
بس منك أخاف بس من الاكيــــــــــــك

تحياتي

» تعرف مكان الشخص عن طريق الاي بي ip
» اربع اشياء تخليك تعرف انته مخبل لو لا !!!