انور السعدي
ألدولـــــه : العراق _ كركــوك عدد ألمـــــشاركآت : 258 نشآط ألعـــــــضو : 16280 معدل ألتقـــــــييم : 2 تآريخ ألتســــجيل : 27/11/2009 ألعمـــــــر : 34 ألموقــــع : عراق للابد
| موضوع: صدك تقبل حبيبي لغيري هسة تصير الإثنين أبريل 19, 2010 7:37 pm | |
| صدك تقبل حبيبي لغيري هسة تصير
وصدك مليت مني وبعد متحبني
وصدك هانت عليك اسنينه الحلوات
وما هانت عليك شلون تتركني
من يمته المذاهب نحسبلها حساب
ومن يمته الطوائف جانت تهمني
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وبكلبك انته شصار
جنت تموت بية وجنت تعبدني
وجنت اتنفسك وانته الهوه بدنياي
وجنت لو تبتعد لحظات .. تخنكني
معقولة الورد ينكر جميل الماي
وانته بهالسهولة تنازلت عني
ما أنكر مقصر إجت فترة وياك
لكن مو بدية الوكت يجبرني
شفت يمك نفط وابين اديك الماي
وأنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
شسولفلك بعد؟ طعم السوالف راح
ردت منك توافي وخيبت ظني
أدري الوكت هو الخله كلبك هيج
وادري الطائفية الباكتك مني
وقبل لا تبتعد عندي سؤال ارجوك
فكر وية روحك عود و جاوبني
باجر لو متت وتشوفني بتابوت
هم تبجي علية وبعد تذكرني؟؟؟؟؟ | |
|
سجين القدر
عدد ألمـــــشاركآت : 2 نشآط ألعـــــــضو : 12248 معدل ألتقـــــــييم : 10 تآريخ ألتســــجيل : 16/03/2013
| موضوع: رد: صدك تقبل حبيبي لغيري هسة تصير السبت مارس 16, 2013 1:37 pm | |
| دمت اخي الكريم قصيده كان لها الثر في نفسي
لك كل التقدير والاحترام
(( فيصل )) | |
|